Sorkar laipuiin plastic hman khap lo

Sorkar laipui chuan September 11-a PM Narendra Modi-a'n 'Swa­chhata Hi Seva' campaign a hawn kha, plastic hman a khapna niloin, zawi muanga mipuite'n plas­tic kan hman tlem telh telh theihna tura inzirtirna a nih thu a sawi.

Thuthar lakhawmtu ṭhenkhatte chuan 'Swachhata Hi Seva' campaign hawn a nih hnu hian, India ramah plastic hman khap a nih thu an sawi lang fo a ni.

Plastic hi hman khap a nih dawn loh thu twitter-ah sorkar Swachh Bharat account chuan a tarlang. India-ah hian kumtinin plastic tonne maktaduai 14 hmanral ṭhin a ni. Plastic chhia hi tuipui ah paih a ni ṭhin a, tunah hian tuipuiah plastic chhia hi mtd 100 chuang a awm thu United Nations chuan an tarlang.