BJP sorkarin NRC hmain CAB a pass phawt dawn : Amit Shah

Union home minister leh Bharatiya Janata Party (BJP) president Amit Shah chuan, BJP sorkar chuan West Bengal-ah National Register of Citizens (NRC) chu a kalpui ngei dawn a,  mahse hemi hma hian Citizenship (Amendment) Bill chu pass a ni phawt ang, a ti. 

West Bengal chief minister Mamata Banerjee chu NRC chungchanga thu dik lo hmanga an state mipuite tichiaiah a puh a, CM hian NRC hi Bengal-ah kalpui a ni ve dawn lo tiin sawi mah se, sorkar laipui chuan a kalpui ngei dawn tih Amit Shah chuan a sawi. Mahse hemi hma hian India rama raltlan, Muslim ni lo sakhaw dangte hnena khua leh tui pekna tur, CAB chu pass hmasak phawt a nih tur thu a sawi.