India-ah internet subscriber mtd 776 awm

Telecom Regulatory Authority of India (TRAI) in report a tihchhuah thara a landanin, India ramah nikum September thla thleng khan internet subscriber maktaduai 776 an awm. 

Kum 2020 June thla khan internet subscriber hi maktaduai 749.04 awmin September thla tawpah chuan maktaduai 776.45 ah an pung a, quarterly growth rate hi 3.66% a tling. Maktaduai 776.45 zingah maktaduai 24.36 hi wired internet subscriber an ni a, wireless internet subscriber maktaduai 752.09 an awm thung. Broadband internet sub­scriber maktaduai 726.32 awmin, nar­rowband internet sub­scriber maktaduai 50.14 an awm a ni. 

June thla aiin September thlaah hian broadband internet subscriber hi 4.02% in an pung a, narrowband internet subscriber erawh 1.38% in a tlahniam thung a, June thlaa subscriber maktaduai 50.84 awm chu September thlaah hian maktaduai 50.14 ah a tlahniam thung. 

Report-ah hian wire­less service hmangtu aṭanga thla khata sum lakluh chu June 2020 aiin September 2020 ah 7.49% in a pung tih tarlan a ni bawk. Ram pumah wireless subscriber-ten thla khat internet an hman, overall minutes of usage (MOU) chu 2.37% in a pung bawk. 

Thla khat chhunga prepaid MOU per sub­scriber hi June 2020-ah 748 niin, September 2020-ah 765-ah a pung a, postpaid MOU per subscriber hi June-ah 648 a nia, September-ah 680 a ni.