Mi nuai 10.5 dawn hnenah Covid-19 vaccine pe tawh

India ramah January 16 aṭang khan Covid-19 vaccine pek chhuah ṭan a ni a, nimin zing dar 7 thleng khan vaccine dawng tawh hi mi nuai 10.5 dawn an tling tawh tih union  health ministry chuan a sawi. 

Vaccine hi a thawh khatna atan healthcare leh frontline worker-te hnenah pek hmasak an ni a,nimin thleng vaccine pek tam zualna te chu - Karnataka-ah 1,38,807, Andhra Pradesh (1,15,365), Odisha (1,13,623), Telangana (97,087), Bihar (63,541), West Bengal (53,988), Maharashtra (52,393), Haryana (45,893), Tamil Nadu (42,947), Madhya Pradesh (38,278), Kerala (35,173), Gujarat (34,865), Rajasthan (32,379), Uttar Pradesh (22,644), Chhattisgarh (22,171), Delhi (18,844) leh  Punjab (12,532) te an ni. 

Sorkar laipui chuan vaccine pek thawh khatna hi healthcare worker vaibelchhe khat leh frontline worker vaibelchhe hnihte hnenah pek an ni dawn tih sawiin, a thawh hnihna hi kum 50 chunglam leh natna benvawn neite pek an ni ang. Thawh hnihnaah hian prime minister Narendra Modi leh Chief Minister zawng zawngte pek tel an ni dawn bawk.