May 29-ah Congress party president thar thlan rawt

Congress Central Election Authority chuan May 29 hian May 29-ah party president thar thlanna leh AICC session neih a rawt. 

Hun rei tak chhung Congress party hi president nei loin a awm tawh a ni. Lok Sabha inthlanpuia an party an chet ṭhat tawk loh avanga mawhphurhna la a, party president a nihna aṭanga Rahul Gandhi a ban hnuah, a thlaktu dah a la ni lo a, kum 2019 August thla aṭang khan Sonia Gandhi chu interim president atan dah rih a ni. 

Nimina party thuneitu sang, Congress Working Committee meeting-ah party hruaitu lu ber thlan chungchang hi an sawiho a ni. Meeting hi virtual-a neih niin, Sonia Gandhi chuan a kaihruai a, Central Election Authority chairperson-in inthlan neih tur chungchanga rawtna a thawnte chu AICC general sec­retary organisation KC Venugopal chuan a chhiarchhuak. AICC plenary session leh party president thlan hun tura CEC rawtna siam chungchangah thutlukna hi working committee chuan a siam ang.