Bangladesh PM India-ah zin

Bangladesh Prime Minister Sheikh Hasina chuan nimin khan New Delhi rawn thlengin, India ramah ni li a cham ang.

Sheikh Hasina hian ram pahnih inkara inlaichinna ṭha a awm theihna tur chungchang India ram hruaitute a sawipui dawn a ni. Nimin khan New Delhi-a World Economic Forum (WEF) buatsaih India Economic Summit-ah khual lian a ni nghal a, a cham chhung hian president Ram Nath Kovind pawh meeting a neihpui bakah naktuk hian prime minister Narendra Modi a hmu bawk ang.

Bangladesh-in inthlanna an neih zawh hnua Hasina-i'n India a rawn tlawh ṭumkhatna a ni a, Ministry of External Affairs (MEA) chuan thuchhuah an siamah kawng hrang hranga ram pahnihin inremna an siam tur a buaipui mai bakah PM Modi nen video link kaltlangin ram pahnihin project an thawhdunte chu an hawng dun dawn tih an tarlang.

Hasina leh Modi-te hi September 27 khan New York-a UN General Assembly vawi 73-na neih karlakah an lo inhmu tawh bawk a ni.