INX Media scam: Delhi court-in Chidambaram hren hun pawtsei

INX Media scam avanga Tihar Jail-a dah mek, union finance minister hlui P Chidambaram-a judicial custody-a dah theih hun chu nimin khan Delhi Court chuan October 17 thleng atan a pawtsei. 

He thubuai chhuitu, Central Bureau of Investigation (CBI)-in Congress hruaitu hren theih hun pawtsei tura ngenna chu a ngaihtuah hnuin, special judge Ajay Kumar Kuhar chuan October 17 thleng atan a pawhsei sak. 

UPA sorkar lai, union finance minister a nih laiin Chidambaram hi INX Media hnena Foreign Investment Promotion Board (FIPB) clearance pek a nih danah dik lo taka a thuneihna hmang leh, a fapa company-in a hlawkpuina tura thil tia puh a nih avangin thubuai saimsak a ni. 

Kum 74 mi, Chidambaram hi August 21 khan Delhi-a a chenna in aṭangin CBI hian an man a, Tihar Jail-ah a tang mek a ni.