UP assembly-in chawl loin darkar 36 chhung session nei

Uttar Pradesh assembly chuan chawl loin darkar 36 chhung session a nei a, Ningani zanlai pelh hnu hian session hi an zo. Chawl loa session nei rei ber record an siam. 

He session-ah hian state chhunga hmasawnna hna kalpui dan tur hrang hrangte sawiho a ni. Eptu lam chuan session hi an boycott a, mahse heti­chung hian eptu MLA eng emaw zat chu session-ah hian an tel. 

Mahatma Gandhi piancham puala special session hi Nilaini chawhma dar 11 khan  ṭan a ni a, Ningani zan zanlai pelh hnuah an zo thei hram a ni. Session kharnaa thu a sawiah, chief minister Yogi Adityanath chuan eptu member, party nihna dah ṭha a, state hmasawnna tur ngaihtuah avanga session-a telte chu lawmthu a hrilh. 

Session neih chhung hian MLA-te chu a group-a siamin, thil ei leh chawlh hahdam chhawk tir an ni. Darkar 36 session neih chhung hian House-ah rorellai BJP MLA chu 100 tal an ṭhu reng a ni.