Defence minister-in Private sector-te sawm

Union defence minister Rajnath Singh chuan nimin khan New Delhi-a India International Security Expo-a thu a sawinaah private sector-te chu defence ministry-a active taka inhnamhnawih ve turin a sawm.

Rajnath Singh chuan India chu ramdang aṭanga ralthuam lakluh ringawtah a innghat reng thei dawn lo tih sawiin, superpower ni tura ruahmanna a siamah pawh chutiang chu a tel lo tih a sawi. An tum ber chu 2025-ah chuan world class domestic defence industry cheng tluklehdingawn 26 hu siam a nih thu a sawi bawk.

Hetiang a nih avang hian sorkar chu idea thar a awm chuan a inhawng reng tih sawiin private sector-te chu tam zawka inhnamhnawih turin a sawm a ni. Defence kalphung chu industry friendly-a siam a duh tih sawiin, private defence production sector-te ṭhanna tura kawng hawn chu a duh dan a ni tih a sawi.