MP hlui 50-ten official bungalow la chhuahsan lo

Lok Sabha term hmasa ṭhiah a nih aṭangin thla nga a tling tawh a, hetichung hian MP hlui 50 vel chuan Lytyen's Delhi-a an official bungalow an la chhuahsan lo. 

Sorkar chuan MP hlui, an bungalow chhuahsan duh lote hi amended Public Premi-ses (Eviction of Unauthorised Occupants) Act hmangin an bungalow aṭang hian hnawhchhuah a tum nia sawi a ni. August 19 khan Lok Sabha Housing Committee chuan MP hlui,bungalow-a la awm chhunzawmte chu kar khat chhunga inthiarchhuak vek tur leh, ni thum chhunga an power, water leh cooking gas connection titawp vek turin a lo hriattir tawh a ni. Hemi hnu hian MP hlui 200 zinga a tam zawk chuan bungalow hi an chhuahsan a, mahse tun thlengin MP 50-te erawh an la awm chhunzawm lui. 

MP hluite hian Lok Sabha term hlui ṭhiah a nih aṭanga thla khat chhungin an awmna bungalow hi an chhuahsan tur a ni.