Congress hruaitu hlun Parlad Singh Sawhney-a'n AAP zawm

Congress party hruaitu hlun leh Delhi Chandni Chowk-a ṭum li ngawt Cong­ress legislator lo ni tawh Parlad Singh Sawhney chuan Inrinni khan Aam Aadmi Party a zawm.

Parlad Singh Sawhney hian amah thlawptu mi eng emaw zat AAP-ah hian a luhpui a ni. Singh Sawhney hi Delhi chief minister hlui Sheila Dikshit nena inhnimhnai tak an ni a, Inrinnia AAP a zawmnaah hian Delhi chief minister Arvind Kejriwal leh party Delhi election in charge Sanjay Singh-te pawh an awm.

Kum 68 mi Sawhney chuan AAP hnathawh dan chu ṭha tih thu sawiin, assembly inthlan lo awm tura ticket duh vanga zawm a nih loh thu leh, Delhi hmasawnna tura zawm a nih zawk thu a sawi.