JKLF-te'n kawng zawh

Article 370 ṭhiah a nih duh lohna lantirin, nimin khan Jammu Kashmir Liberation Front (JKLF)-te chuan Pakistan-occupied Kashmir (PoK) aṭanga Line of Control (LoC) thleng kawng an zawh.

Hetihlai hian Pakistan PM Imran Khan chuan kawng zawhtute hnenah hian, LoC chu pel lo turin a hriattir bawk. Duh lohna kawng zawh hi PoK khawpui Muzaffarabad aṭanga Garhi Dupatta thleng  neih a ni.  

Pakistan hian India-in Article 370 a nuaibo chungchang hi ramdangte hriatah a zualko nasa hle a, mahse ramdangte chuan ramchhung thil a nih thu an sawi. US Senator Chris Van Hollen leh US Charge d' Affaires Ambassador Paul Jones-te chu kar kal ta Inrinni khan Multan-ah kalin, Pakistan foreign minister Shah Mahmood Qureshi an hmu. Qureshi chuan Hollen hnenah hian US-in "Department of State, Foreign Operations, and Related Programs Appropriations Bill, 2020" siamṭhat a tum chu a ngaihhlut sak thu a sawi a,  Hollen hi LoC hmun tlawh a, enthlithlai turin a ngen bawk.