State panga chauhin MV Act thar la hmang

Sorkar laipuiin Motor Vehicles Act thar a tihchhuah aṭanga kar nga hnuah pawh, he dan thar hi state panga chauhin an la hmang. 

MV Act siamṭhat hi Gujarat, Uttara­khand, Kerala, Karnataka leh Assam chauhin an la hmang a, Bihar sorkar chuan hman thuai a tum tih a sawi. Hetihlai hian Maharashtra leh Haryana chuan dan thar hmang tur hian a tlem berah thla thum tal  hun an la mamawh tih an sawi. 

Dan siamṭhat hnuaiah hian traffic rules bawhchhiate hremna na zawk siamin, sum chawi tur pawh tihpun a ni bawk. State hrang hrang hnenah pawh hriattirna hi pek ni tawh mah se, a tam zawk chuan an la hmang lo.