July-Aug 20 inkarah mi nuai 7-in BJP an zawm: Punjab BJP VP

Punjab state BJP vice-president leh membership drive in-charge ni bawk Jeevan Gupta chuan July aṭanga August 20 thleng khan mi nuai sarih zetin an party an zawm tih sawiin, membership drive an kalpui mek a zawh hunah chuan nuai 30 vel zet member an nei hman dawn tih a sawi.

Jeevan Gupta chuan tun ṭuma membership drive an neihnaah hian thlingtlang lamah an party zawm thar an tam tih sawiin, "Khawpui mite party anga hriat kan ni ṭhin a, mahse tunah erawh chuan hetiang ngaihdan hi ṭhiahin a awm tawh a, thingtlang zawk aṭangin nasa takin kan pung tawh a ni," a ti.

2015 thleng khan chuan member nuai 23 an nei tih sawiin, 2018-a membership drive neih leh an tum chu kuminah an nei ta zawk tih a sawi bawk. August 20 thleng khan active drive chu an zo tawh a, hemi chhung hian an beisei ang tak chuan nuai hnih vel bak an drive chhuah an rin loh laiin an beisei aia tam zawk member an drive chhuak ta tih a sawi a ni.

Active drive hi zo tawh mah se an party worker-te chuan thingtlang leh khawpui hmun eng emaw zatah nakkum January thleng hian membership drive hi an la kalpui dawn a ni.