Reliance Jio-in company dang call man la tawh dawn

Reliance Jio Infocomm chuan telecom company dang call manah minute khata pawisa 6 (6 paise) zel an la tawh dawn.

Mukesh Ambani com­pany hian Nilaini khan hemi chungchang hi tarlangin, an service hmangtu mi mak­taduai 350 zet lak aṭangin company dang call man hi a la tawh dawn a, hei hi telecom dangte hnena an customer-ten call an hmana minute tina pawisa paruk interconnect usage charge (IUC) an chawi ṭhin rulhna tura tih a nih thu tarlangin, regulator lamin a fee hi 'zero'-a an hnuhniam hma chuan hei hi an hmang dawn tih an sawi.

Jio hian call manah hian pawisa la tawh dawn mah se an customer-te chu data an pek belh dawn thung nia sawi niin, hei hi an castomer-te tariff tihsanin ngawng a neih nasat lutuk lohna turin an ti a ni. Jio to Jio leh Jio to landline-te erawh chu a thlawn a la ni dawn thung a, Apps hmanga call (entirnan WhatsApp call) angte erawh chu a la free vek dawn bawk.

Jio Customer Vodafone, Idea leh Airtel call duh chuan IUC minute an chawi belhna tur additional top-up vouchers an thun tel a ngai tawh dawn a ni.