Mahatma Gandhi chawimawi nan UK-in coin a siam dawn

United Kingdom sorkar chuan India Hnam Pa, Mahatma Gandhi piancham vawi 150-na hriatrengna pualin coin a tichhuak dawn tih Britain finance minister Sajid Javid chuan a sawi.

Pakistani origin, Sijad Javid hian khawvelin Mahatma Gandhi leh a zirtirnate a theihnghilh lohna turin UK-a Royal Mint hnenah coin hi siam turin a ngen tih a sawi. He thu hi Ningania GG2 Leadership Awards semna hun hmannaah a sawi a ni. 

Mahatma Gandhi hian kum 1888 khan law school zawm turin London hi a pan a, University College of London law school-ah a zir a ni. A hnuah pawh London hi a tlawh leh fo a, a kal hnuhnun ber chu kum 1931 kha a ni. Javid chuan Gandhi chuan thiltihtheihna chu hausakna leh dinhmun sang chelh aṭanga chhuak theih chauh a ni lo tih a zirtir tih sawiin, a nuna entawn tlak tak takte chu hriatreng a ni tur a ni, a ti.