Sonia-in coordination committee a din

Congress president lailawk Sonia Gandhi chuan Maharashtra leh Haryana Assembly election neih tur atan, hma an lak thiam theih nan nimin khan coordination committee a din.

New Delhi-a Con­ress headquarters-ah co­ordination committee hi din niin, Congress Senior leader Ahmed Patel chu he committee-a hruaitu atan ruat a ni. Madhusudan Mistry, Anand Sharma, Jyotiraditya Scindia leh Pranav Jha-te chu commi­ttee member an ni bawk.

Congress social media department chairperson Rohan Gupta pawh committee member-ah hian a tel. Devender Yadav, Manicka Tagore leh Jairam Ramesh-te chu he committtee enthithlai tura ruat an ni. Senior Congress leader Salman Khurshid chuan "Kan party hian kan dinhmun hi hei aia sang zawka kan sawh ngeh loh chuan, inthlanah hian kan chak dawn lo a ni," a ti.  

Rahul Gandhi-a'n Congress president nihna a chawlhsan hnuah, Sonia Gandhi chu president lailawk atan ruat a ni a, Sonia hian an party chu dinhmun sanga hlangkai leh tur hian theihtawp a chhuah a ni. Maharastra leh Har­yana Assembly election hi October 21 a neih tura tih a ni a, October 24-ah vote chhiar a ni ang.