Shashi Tharoor-a'n External Affairs Committee member hnawl

Congress senior leader Shashi Tharoor chuan parliamentary standing committee on External Affairs member atana ruatna a hnawl nia sawi a ni. Lok Sabha term hmasaaah khan Tharoor hi he committee hotu hi a ni. 

Union minister hlui Tharoor hian external affairs committee member atana ruat a nih chung­changah Lok Sabha speaker Om Birla hnenah lawmthu a hrilh a, hemi rual a hotu a lo nih tawhna committee-a member naran nih chu a duh lo tih a hrilh nghal bawk. Hei bakah hian parliamentary standing committee on information technology chairman atana ruat a nih bawk avangin a indaih lo tih a sawi. 

Tharoor chuan committee chairman atana ruata nih loh hian BJP kaihhruai sorkar laipui chuan kalphunga an lo neih tawh, parliamentary standing committee chairman atana eptu party lam aiawh ruat a nih ṭhin chu a titawp ta niin a sawi.