India International Cooperatives Trade Fair hmasa ber ṭan

India International Cooperatives Trade Fair hmasa ber chu New Delhi-ah nimin aṭang khan hman ṭan a ni.

He Trade Fair hian ni thum chhung a awh dawn a, Cooperative-te thil siam chhuah export chawilar­na tura duan niin, ram hrang hrang 36 aṭanga organisation-te he Fair-ah hian an tel. Agriculture Minister Na­rendra Singh Tomar chuan a hawnna hun nimina neihah thu sawiin, India hnam tihdan phungah thawhhona chu a laimu a nih thu a sawi. Indian co­operative 150 chuang chu he event-ah hian an tel tih leh delivery leh market awmdan chung­chang, cooperative-ten har­satna an tawh chungchang sawichhuahna hun ṭha a nih thu a sawi bawk.