Delhi Police-ten tractor rally neih phalsak

Farm law duh lohna lantira nawrh huaihawt mek, loneituten Republic Day-a Delhi-a tractor rally an neih tum chu Delhi Police-te chuan phalsakin, rally hi Delhi border pathum - Singhu, Tikri leh Ghazipur aṭangin neih a ni dawn. 

Loneitu pawl aiawh leh Delhi police-te hian meeting an neih hnuah rally neihna tur kawngte an ruahman a ni. 

Meeting zawh hnua thuchhuah an siamah, loneitu pawl aiawhte chuan Delhi-a km 100-a thuiah tractor rally hi neih a ni dawn  a, entry point-te  hawn vek a ni dawn tih an sawi. Loneitute hian border aṭangin January 26 hian Delhi hi an lut dawn a, rally neihna tur kawngte ruahman a nih avangin heng kawnga daidanna lo siamte pawh dah bo vek a ni dawn a ni, an ti. 

Loneitute chuan boruak ṭha tak hnuaiah tractor rally hi an nei dawn tih sawiin, Republic Day parade tibuai zawnga awm an tum lo tih an sawi.