India-China military talk vawi 9-na nei

Ladakh khawchhak lama Line of Actual Control (LAC) a ram pahnih sipaite inkar boruak ṭha lo chinfel dan ngaihtuahin India leh China chuan nimin k han military talk vawi 9-na an nei leh. 

Inbiakna hi Moldo-ah an nei a ni. Inbiakna an neih hnuhnung berah khan India chuan Ladakh khawchhak lama an buaina hmun aṭangin a rang thei anga China sipaite hnukkir turin a phut a ni. Thla kua dawn chu LAC-ah hian ram pahnih sipaite hi an inep tawh a,ṭum eng emaw zat inbiakna nei tawh mah se inremna an la siam thei lo.  India chuan ramriah hian sipai 50,000 dawn a dah mek a, hetiang zat vel hi China pawhin a dah ve bawk. 

Defence minister Rajnath Singh chuan China-in a sipaite a lakkir ṭhen hma chuan India pawhin sipai awm zat hi tihtlem a tum lo tih a sawi a, hemi  rual hian inbiakna hmangin ramria buaina an neih pawh hi an chinfel theih ngei a rin thu a sawi bawk a ni.