AIIMS-Delhi-ah Lalu Prasad Yadav dah lut

Bihar chief minister hlui leh Rashtriya Janta Dal (RJD) hotu Lalu Prasad Yadav a hriselna a tlakhniam zel avangin kar liam ta Inrinni khan Delhi-a AIIMS ah dah luh a ni. 

Kum 72 mi, Lalu Prasad hi Ranchi-a Rajendra Institute of Medical Sciences (RIMS) ah enkawl a ni a, mahse a dinhmun a ṭhat loh zual avangin thlawhtheihna  hmangin Delhi-ah phurh thlak a ni. AIIMS-a cardiothoracic centre-a coronary care unit (CCU)-ah dah luh nghal a ni.

RIMS director Dr Kameshwar Prasad chuan Lalu Prasad hian ni hnih vel chu thawk lamah harsatna a neih thu leh, Zirtawpni khan pneumonia a kai tih hriat a nih thu a sawi. A kum a upat ve tawh bawk avangin AIIMS-Delhi-ah enkawlna ṭha zawk a dawn theih beiseiin hruai a nih thu a sawi.