Pope-in Kerala nun Sister Mariam Thresia Mithianghlimah a puang

Roman Catholic kohhran hotu, Pope Francis chuan nimin khin Vatican City-a hun hmannaah mi panga chu mithianghlim (saint)-ah a nemnghet a, an zingah hian Indian nun Sister Mariam Thresia a tel. 

Sister Thresia hi kum 1876, April 26 khan Kerala-a Thrissur district-ah a piang a, kum 1914, May thla khan Congregration of the Sisters of the Holy Family a din a ni. Kum 1926, June 8 khan kum 50 mi niin a thi. Kum 2000, April 9 khan mithianglima puanna tura rahbi pakhat, beatify a lo ni tawh a ni. 

Kum 16 mi lek a nih aṭangin Sister Thresia hian herpe natna veite enkawl hna a thawk ṭan a, kum 11 chhung 'nun' hna a thawk a ni. A dam lai hian mi retheite ṭanpui leh chhawm­dawl hna a thawk nasa a, hei bakah hian chhungkaw inpumkhatna ṭha siam turin a thawk nasa hle bawk.

Nimina Pope Francis-an mithiang­hlima a puan dangte chu English Cardinal John Henry Newman, Swiss laywoman Marguerite Bays, Brazi­lian Sister Dulce Lopes leh Italian Sister Giuseppina Vannini te an ni.