Srinagar-ah tele-Medicine service hmang dawn

Jammu and Kashmir thuneitute chuan kar kalta Inrinni khan Srinagar-ah tele-medicine service hman a nih dawn thu an sawi.

Ruahman dan chuan Srinagar-a tele-medicine service hi damdawi-in zawng zawngah leh health institution-ahte hman tum a ni. He service thar tur hian, satellite-based networking channel a hmang dawn a, hemi kaltlang hian hmun hla tak tak a mite pawh a thleng phak dawn a ni.  Hmun hla tak taka damlote chu he service kaltlang hian enkawl hna an thawh theih dawn thu an sawi.  Tele-medicine service hi "Srinagar Smart City project" ami a nih thu thuneitute chuan an sawi. 

Srinagar-a Sher-i- Kashmir Institute of Medical Sciences (SKIMS) leh Government Medical College (GMC)-a an damdawi bungruate chu tihchantlun belhna tur pawh ruahman a ni.