Maha election: Polling station 9,000 chuangah live webcasting hmang dawn

Election Commission chuan Maharashtra assembly inthlan neih turah polling station 9,673-ah live webcasting hman a ni dawn tih a sawi. 

Maharashtra inthlanah hian a vawi khatna atan VVPAT (voter verifiable paper audit trail)  hman a ni dawn bawk. VVPAT hi 1,35,021 hman a ni dawn a ni. EC chuan vote thlak ni a polling station-a buaina chhuak tur venna atan leh, langtlang zawka inthlan kalpui a nih theihna turin live webcasting system hi a hmang a ni. 

Maharashtra assembly-ah hian seat 288 a awm a, October 21-ah inthlan hi neih a ni ang. Vote thlakna tur polling station 96,661 siam a ni bawk ang.