Srinagar: Farooq Abdullah farnu leh a fanu man
Jammu and Kashmir-a National Conference party hruaitu, Farooq Abdullah farnu Khalida Sahah leh a fanu chu nimin khan Article 370 tihtawp a nih avanga lungawi lohna an lantir avangin police-ten an man.
Nimin khan Abdullah farnu Suraiya leh a fanu Safiya te kaihhruaiin women activist-te chuan J&K special status pekna, Article 370 tihtawp a nih vang leh, J&K state ṭhiat a, union territory pahniha ṭhen a nih duh lohna an lantir a ni.
Women activist kalkhawmte hi police-te chuan hnawtdarh an tum a, mahse an kaldarh duh loh avangin police te hian an man a ni. Police-te hian nawrh huaihawtten media mite biak an tum chu an dang zui bawk.
Nawrh huaihawtte hian sorkar laipuiin Article 370 leh 35A a titawp leh, J&K state a ṭhendarh chu an duh lo tih an sawi. State mipuite dikna chanvo pe leh tura an phut thu sawiin, sorkar laipui thiltih dan chu state mipuite phatsanna leh palzutnaa an ngaih thu an sawi. Article 370 tihtawp a nih avanga state political leader eng emaw zat pawn chhuak thei loa hrente chu chhuah zalen vek tura an phut thu an sawi bawk.