2030-ah Indian Railway ‘net-zero’ carbon emitter hmasa ber ni dawn: Piyush Goyal

Railway minister Piyush Goyal chuan nimin khan 2030-ah chuan Indian Railway chu ‘net-zero’ carbon emitter (carbon pechhuak lo) hmasa ber ni dawn.

India Energy Forum CERAWeek 2019-a thu a sawinaah Piyush Goyal chuan Indian Railway chu khawvela net-zero railway hmasa bera siam turin hma an la mek tih sawiin, 2030-ah chuan tihhlawhtlin hman ngei an tum tih a sawi. Sorkar chuan coal plant hlui tawhte chu a khar mek zel a, hemi hmang hian environment pollution pawh tihziaawm a ni dawn a, plant thar pawh an siam zel dawn tih a sawi a ni.

NITI Aayog data aṭanga a lan dan chuan Indian Railway aṭanga carbon dioxde pekchhuak hi 2014 khan ton mtd 6.48 zet a ni a, khawvelin climate change chungchang nasa taka a buaipui mek karah Indian Railway pawh hian carbon pekchhuak tlem dan kawng hi an zawng ve mek zel a ni.

Goyal chuan 2023-ah chuan Indian Railway chu a vaiin electric hmang an ni tawh dawn tih sawiin, 2023 kum tawp a nih meuh chuan electric hmang vekin relte tlantir an ni tawh dawn a ni, a ti.