J&K-ah firfiak pathum kaphlum

Jammu and Kashmir-a Anantnag district-ah nimin khan security force leh firfiakte inkahnaah firfiak pathum an thi tih police-te chuan an sawi.

Mobile service Thawh­ṭannia tihnun a nih leh hnua a hmasa ber atan nimin khan security force-te leh firfiakte hi an inkap a, Security force-te hian Bijbehara area-a Pazalpora thingtlang khuaah firfiak biru an awm tih thu an dawn bawhzuiin beihpui an thlak a, hetah hian firfiakte hian an lo kap niin police-te chuan an sawi a ni.

Hemi hnu hian hun eng emaw zen an inkah hnuah firfiakte hi an thlanchhe ta zawk nia sawi­in mi pathum an kah­hlum thu an sawi bawk. Police-te chuan mit­thite hi tute nge an ni tih an la hre lo a, firfiakte hi eng pawla mi nge an ni tih an la tarlang lo bawk. Ralthuam eng emaw zat an man tel bawk a ni.