Delhi CM-in thudik puanzarna tur AK App tlangzarh

Delhi chief minister Arvind Kerjiwal chuan Delhi  khawpuia chengte leh an party, Aam Aadmi Party volunteer-te hnenah thudik puanzar thinna turin mobile application, 'Arvind Kejriwal' app chu a tlangzarh. He app hi Google Play Store aṭanga download theih turin dah nghal a ni. 

AAP hotu chuan a twitter-ah hemi chungchang hi sawiin, thu dik tawk lo thehdarh tum an awm apiangin, he app kaltlang hian thu dik tak thehdarh leh inhriattir ṭhin a ni ang, a ti. AK app hi English leh Hindi  in dah a ni a, AAP chanchin, a hnathawh leh hlawhtlinna a neih hrang hrangte tarlan a ni. Hei bakah hian Delhi chief minister hun hman dante tarlangin, LIVE TV pawh pek ṭhin a ni ang. 

Party hruaitute chuan AK app siam a ni chu lawmawm an tih thu sawiin, mipuite pawh he app hi hmang turin an chah. AAP leader Atishi chu AK app hi mipuiten AAP sorkar hnathawh hrang hrangte an hriat theihna tur a ni tih a sawi.