Union Finance Minister-in global investor-te sawm

Union finance minister Nirmala Sitharaman chuan Nilaini khan global investor-te chu India rama investment ti tura sawmin, India aia investment tihna tur hmun ṭha a awm chuang lo tih a sawi.

Nirmala Sitharaman chuan India ramah chuan democratic environment, capitalist-te zahna a awm, a ti. Sitharaman hian Federation of Indian Chambers of Commerce and Industry (FICCI)-in event a buatsaihnaah thu sawiin, India ram chu economy ṭhang chak ber ram zinga mi a nih bakah manpower skill pawh a ṭhat berna ram a ni, a ti bawk. Sorkar pawhin helam kawngah hian nasa takin hna a thawk mek tih a sawi.

FICCI hian Washington-a IMF Headquarters-ah US India Strategic and Partnership Forum nen ṭangkawpin event hi an buatsaih a, hetah hian US-a cham mek Sitharaman hian thu hi a sawi a ni.