India ramah Ranvulh 4.6% in a sang

Nilaini khan 20th Livestock Census report chu tlangzarh niin, kum 2012 aṭanga tehin 4.6%-in ranvulh lamah kan san thu tarlan a ni a, ranvulh hi India ramah maktaduai 535.78 a awm thu tarlan a ni bawk.

Livestock Census report hi Department of Animal Husbandry and Dairying-te chuan an tichhuak a, bawng vulh hi 18%-a pungin, rampumah bawng maktaduai 145.12 vulh mek a ni. Lawi vulhte hi maktaduai 109.85 niin, 1%-in kum 2012 data ai a tam zawk. Bawnghnute kan inṭhin, a hnute sawr theih bawng leh lawi aṭangin ran vulh 6%-a a ṭhan thu tarlan a ni bawk.

Bovine population (bawng, lawi, sial leh yak) chu maktaduai 302.79 a ni a, rampumah cattle maktaduai 192.49 vulh a ni a, 0.8%-in a pung. India rama state zawng zawng leh Union Territory aṭang census neih a ni a, kum 1919 aṭang khan Livestock Census report hi tihchhuak a ni.