UP-in college leh university-a mobile phone hman khap

Uttar Pradesh Directorate of Higher Education chuan lehkha zir lai huna zirlaite rilru lakpenna tur venna atan, college leh university-ah mobile phone hman a khap. 

Directorate of Higher Education chuan Ningani khan hriattirna hi tichhuakin, state chhunga college leh university campus chhungah mobile phone hman khap a ni tih a sawi. He khapna hian zirlai te bakah zirtirtu thlengin a huam tel a ni. 

College leh university zirlai tam tak chuan college hour chhungin an hun hlu tak tak mobile phone khawihna atan an hmang ṭhin a, hei vang hian an zirlai lamah an rilru an pek theihna turin he khapna hi an siam tih Directorate of Higher Education  chuan a sawi. 

UP chief minister Yogi Adityanath chuan official meeting neih laia mobile phone hman a lo khap tawh bawk a, cabinet meeting-ah pawh a khap tel vek a ni. CM chuan minister-te chu meeting neih laiin thil dang ngaihtuah lo a, an thurel leh sawihoah an rilru sawrbing turin a lo ti tawh a ni.