Delhi Cabinet-in boruak bal venna atan Rs Vbc 36 pawm

Delhi Cabinet chuan kar kal ta Inrinni khan khawpui chhung boruak bal venna atana senso tur cheng vaibelchhe 36 a pawm. 

Delhi boruak bawlh­hlawh lam hi 25%-in a ziaawm a, mahse thlasikah hian boruak bawlhlawh hian zual lam a pan leh ṭhin a ni. Hei vang hian boruak bawlhhlhawh tihziaawm a nih theih nan kawng hrang hrangin sorkar hian hma a la mek bawk a, chumi atan chuan November 4 aṭang 15-ah khian kum danga an lo tih ṭhin odd-even system chu kalpui leh a tum a ni. 

Delhi boruak balhna chhan pakhat chu Delhi ṭhenawm state-ten thlai ro an halna khu hi Delhi khawpui chungah a hian a zam fo ṭhin vang a ni. Mipuite hian boruak hrisel an hip luh theih nan hian Delhi sorkar hian theihtawp a chhuak mek a ni. Sorkar chuan khawpuia boruak bal hian ziaawm lam a pan lo a nih pawhin, mipuite venhim chu an tihtur a nih thu thuchhuah a siam.

Heng bakah hian a theih anga zauah mipui­te hnenah awarness cam­paign neih nasat a pawi­mawh thu sorkar hian an tarlang bawk.