State 12-ah bird flu leng tawh

Union ministry of fisheries, animal husbandry and dairying chuan state 12-ah arva pul hri, bird flu a leng tih nemngheh a ni tawh tih a sawi. 

Ministry-in bird flu lenna state a tarlante chu - Madhya Pradesh, Haryana, Maharashtra, Chhattisgarh, Himachal Pradesh, Gujarat, Uttar Pradesh, Uttarakhand, Delhi, Rajasthan, Jammu and Kashmir leh Punjab-te an ni. 

Bird flu lenna bial hrang hrangah hian control and containment operation neih mek a ni a, hri leng vanga sorkar thupek anga an ar vulh suat sakte hnenah zangnadawmna pek an ni ang.  Zangnadawmna pek tur hi sorkar laipui leh state/UT chuan 50:50 in a intum sem dawn a, Department of Animal Husbandry & Dairying (DAHD) chuan an sum tum turte hi a pe chhuak tawh a ni.