Sorkarin social media leh Aadhaar inzawm dan tur thla thum chhunga peih hman tum

Sorkar laipui chuan social media account leh Aadhaar inzawm dan tur guideline felfai tak leh, social media dante ennawnna chu thla thum chhunga a peih hman tur thu Thawhṭanni khan Supreme Court (SC) a hriattir.

Social media account leh Aadhaar inzawm tir tum a nih chhan hi, social media hman khawloh venna tura tih a ni. September thla khan SC chuan sorkar laipui hnenah hian guideline siam nana hun an mamawh chen hriattir turin a lo ngen tawh a ni.

Sorkar laipuiin affidavit an tihchhuahah hian Infor­mation Technology (Inter­mediaries Guidelines) Rules 2011 chu tarlangin, he dan hnuaiah hian mimal dikna chanvo humhalh tlat a nih thu an ziak a, social media kaltlanga inhuatna thu sawi te, chanchinthar dik lo leh thil ṭha lo tam tak thehdarha a awm ṭhin thu an ziak lang bawk.

Facebook chuan India ram hmun hrang hranga High Court-a social media account leh Aadhaar inzawm tura petition a thehluh bawh zuiin, Supreme Court hian Facebook petition thehluh hi a ngaihtuah a ni.