PMC Bank buaina: Account hawngtuten Mumbai-ah nawrh huaihawt

Punjab and Maharashtra Co-operative (PMC) Bank buaina kal zelah nimin khan Mumbai-a Azad Maidan-ah account hawngtuten nawrh an huaihawt.

Duh lohna lantirtute hian thuziak 'Black Diwalai, Save Us' tihte an ken bakah pawisawi loten nunna an chan thute ziakin an keng lang nasa hle. Nawrh huaihawtnaa tel ṭhenkhat chuan sorkarin a ṭanpui theihna turin chaw ngheia nawrh huaihawtte pawh an tum tih an sawiin, sorkar chuan an harsatna chu hriatpui se, an pawisa hmu let leh se tih an duh thute an sawi a ni.

Thla hmasa khan RBI chuan thla ruk chhung atan PMC Bank activity reng reng khap tlat a nih thu a puang tawh a, loan chungchangah leh investment chungchangah pawh hmalak a khap. PMC bank-ah hian pawisa cheng vaibelchhe 4,355 zet khawih chingpen a ni tih hriatchhuah a ni a, he thila inhnamhnawih mi eng emaw zat chu man an ni tawh bawk.