NAM Summit-ah Vice President

Vice president M Venkaiah Naidu chuan Non-Aligned Movement (NAM) 18th Summit-ah India aiawhte a kaihruai dawn.

NAM summit hi tunthla ni 25 leh 26 hian Baku, Azerbaijan-ah neih a ni ang. Hei hi Senior Offi­cial Meeting leh Ministerial Mee­ting-in a chhunzawm dawn a ni. 18th NAM Summit theme atan hian 'Upholding the Bandung Principles to ensure concerted and adequate response to the challenges of the contemporary world' tih hman a ni dawn.

Summit-ah hian firfiak, remna leh muanna, UN reform, sik leh sa inthlak, sustainable development, economic governance leh south-south cooperation chungchangte ngaihtuah a ni dawn a, Vice President tel tur hian NAM ramte leh India inkara inkungaihna a thuam chak sawt rin a ni.

Venkaiah Naidu hian thu a sawi dawn a, ramdang  hruaitu telte pawh inbiakna a neihpui nghal ang. India hi NAM dintu member zinga mi a ni a, kum 1961 khan ram 29-ten an din a ni. Tunah chuan member 120  awm tawhin nation-state group lian ber zinga mi a ni tawh a ni.