Kolkata Police-ten face recognition system hmang dawn

Kolkata police-te chuan khawpui chhunga pawikhawihna thleng ṭhin veng kawng khat atan facial recognition system an hmang dawn. He software hmang hian mipui lunna hmunte chu vilin, bazar lun laia rukrukna thleng ṭhinte pawh a ziaawm phah theih beisei a ni. 

Khawpui chhunga kawngkanna hmun leh mipui lunna lai, hmun 50-ah CCTV dah vek niin, hei hi control room aṭangin vil a ni ang. Special camera-ah hian face recognition software dah vek an ni dawn a ni. CCTV hi hmun tam zawkah dah belh zel tum a ni dawn tih police cyber cell department chuan a sawi. Diwali thlen hmain he special software hi  a tam thei anga dah hman an tum. 

Nikum chhung khan Kolkata police-te chuan thil sualtitu an mante biometric - mit, hnar, hmui, kut leh kutze thla te chu an la khawm tawh a ni. Heng an lakhawm tawhte hi chu control room aṭangin special camera hmangin police-te hian an lo hre thei nghal dawn a ni.