Ease of Doing business-ah India 63-na

Kum 2003 aṭanga kumtina tihchhuah ṭhin, sumdawnna kalpui awlsamna "Ease of Doing business 2020"-ah India chu ram 190 zinga 63-na niin, nikum aiin 14-in hma a sawn.

World bank-in sumdawnna lama ram hrang hrangte a tehna, "Ease of Doing business"-ah hian, PM Modi kaihhruai sorkar chuan 50-na chinah awm theih beisei mah se, an beisei hi an phak ta lo a ni.

Nimin zing khan he ranking hi tihchhuah a ni a, New Zealand chuan pakhatna dinhmun hauh lehin, a zawna vawi thum a hauhna a ni. Pahnihna leh pathumnaah hian Singapore leh Denmark chu awmin, anni ram pahnih hian a zawn thoin vawithum pahnihna leh pathumna dinhmun an la hauh leh theih ve ve bawk.

India laka lungawi hleithei lo Pakistan pawh 136-na niin, nikum ai chuan hma an sawn zawk a ni. Tehna hrang hrang 10 hmanga he ranking hi siam ṭhin a ni a, kumin May 1 hma thla 12 kal ta huam chhunga aṭanga tehna hi lak ṭhin a ni.