Kartarpur corridor: India leh Pakistan-in inremna ziak

India leh Pakistan chuan nimin khan Kartarpur corridor chungchangah inremna an ziak.

Ram pahnihte inremna ziah hi Zero Point, Interna­tional Boundary, Dera Baba Nanak-a Kartarpur Sahib Corridor hawn dan tur chung changah a ni.

Inremna ziahnaah hian External Affairs Ministry, Defence Ministry leh Ministry of Home Affairs official-te aiawh bakah Punjab sorkar aiawhte pawh an tel. Inremna an siamna hnuaiah hian Kartarpur Sahib Corridor mumal taka hawn dan tur a tel a, AIR chuan kumtluanin he corrdior hi a hman theih dawn niin a tarlang.

Biakzina kal, India rama piang leh seilian chuan eng sakhua pawh vuan se he corri­dor hi a hmang thei dawn a, visa pawh a thlawnin an hmu dawn a ni.

Joint Secretary, Home Ministry, S C L Das chuan biakzina kalte hian passport an nei a nih phawt chuan an tan corridor hi a inhawng reng dawn tih a sawi a, amah­erawhchu an kalniah vek an haw leh a ngai dawn thung.

Das chuan biakzina kalte hnena Pakistan sor­karin chhiah a lak pawh ngaihhna­thiam turin India sorkar chuan a ngen tih a sawi.