Odisha-ah ruahsur nasa vangin mi panga thi tawh

Bay of Bengal tuipuia pressure hniam vangin Ningani zan aṭang khan Odisha-ah chuan ruah a sur nasa hle a, mi panga an thih tawh bakah hliam tuar an tam tawh hle.

Special relief commissioner PK Jena chuan  Kandhamal, Puri, Balasore, Kenndrapara leh Keonjhar district aṭangtein mitthi an awm tih report an dawn tawh thu sawiin, a tam zawk hi chu ruahsur nasain bang a tihchim vanga thi an ni tih a sawi.

Puri-a mitthi hi Jagannath temple puithiam a ni a, Balasore district-a thi mi pakhat chu an in bang chim vanga thi a ni a, a fanu kum li pawh a hliam na hle a ni. District 11-ah chuan school zawng zawng an khar a ngai hial a, Gajapati district-a thingtlang khaw pahnihah chuan in 20 vel chu lei tawlhin a hnawl bawk. Thi leh hliam report erawh a awm lo thung a, an rante erawh chu eng emaw zat a chhilh hnan thung.

District ṭhenkhatah chuan inkalpawhna kawngpuite pawh a ping a ni.