London-a India duh lohna lantir tur khap

England khawpui London-a Indian High Commission kawta October 27, Diwali ni taka Kashmir chungchang vanga India duh lohna lantir tura punkhawm tumtute chu Scotland Yard chuan an phalsak dawn loh thu an hrilh.

India sorkar leh London-a Indian community-te ngenna angin Indian High Commission kawta India duh lohna lantir tura punkhawm leh tum hi khap a ni. Thupek bawhchhiate chu Public Order Act hnuaiah an man dawn bawk.

Pakistan thlawptute chuan Jammu and Kashmir special status Article 370 tihtawp vang khan August 15 leh September 3 khan duh lohna an lantir tawh a, hetah hian Indian High Commission building darthlalangte pawh mi 

ṭhenkhat chuan an vawm keh hial.

Hetiang a nih avang hian India lam chuan ngenna siamin thuneitute pawhin an pawmsak a ni. Hetichung hian duh lohna hi lantir an tum tho a, a hmaa an ruahmanna Downing Street aṭanga zing dar 10-a kawng zawh ṭana tlai dar 5-a India House-a tawp an tum chu tidanglamin, tlai dar 2 aṭanga ṭanin Trafalgar Square-ah an tawp thung ang. 

Kar hmasa lam khan London mayor pawhin duh lohna lantir tura ruahmanna siam chu a dem thu a lo sawi tawh bawk a, a buatsaihtute pawh ṭhulh turin a ti a ni.