Trump vangin slum area-a chengte hliahna tur siam

US President Donald Trump chu kar leh Thawhṭanni hian ni hnih cham turin a rawn zin dawn a, India rama a rawn thlen hnua  Ahmedabad-a hun a hmanna tur bula slum area-a chengte hliah khuh an nih theih nan sorkar chuan feet 4-a sang bang a siam mek.

Bang siam hna hi Ahmedabad municipal corporation chuan an thawk a, thil ṭul leh sorkar laipuiin rua­hmanna a siamte chu an thawk bawk. Trump leh prime minis­ter Narendra Modi-te chuan Ahmedabad-a khawvela cricket stadium lian ber tur, Motera cricket stadium chu an hawng dawn a, Namaste Trump summit hawnna hun hman nghal a ni bawk ang.

Thla hnih kal ta khan feet 4-a sang bang siam hna hi thawk tura ruahhmanna kalpui tawh a ni a, cricket stadium chu mipuite'n an dipdal lohnan heng bangte hi siam a nih thu Municipal Commissioner Vijay Nehra chuan a sawi.  

Motera cricket stadium sak nan hian kum 5 chhung hun hman a ni a, a official name atan Sardar Patel Stadium tih a ni bawk. 

Stadium-ah hian seat 1,10,000 a awm a, stadium pawnah hian car 3,000 zet a park theih dawn bakah two-wheeler 10,000 zet chu a park thei bawk ang. He stadium-ah hian cricket match hmasa ber chu March thla hian Asia XI vs World XI in an khel ang.