Prime Minister-in LoC-a duty sipaite Diwali a hmanpui

Prime minister Narendra Modi chuan nimin khan Jammu and Kashmir-ah kalin, Rajouri district-a Line of Control (LoC) vengtu sipaite Diwali a hmanpui. 

PM Modi hi border district-a Army Brigade Headquarters aṭangin LoC-a sipaite awmna hmun hi a pan nghal. Modi hian kum 2014 aṭanga J&K-a sipaite Diwali a hmanpui ṭum thumna a ni a, August 5-a sorkar laipuiin Article 370 a ṭhiah hnuah J&K a tlawhna hmasa ber a ni bawk. 

Kum 2014-a PM atana lakluh a nih hnu khan Modi hian Diwali hi sipaite bulah a hmang fo a ni. Hemi kum hian Ladakh biala Siachen-a sipaite a hmanpui a, kum 2017-ah north Kashmir-a Gurez sector-a sipaite bulah a hmang bawk. Kum 2015 khan Punjab ramri-ah sipaite a tlawh a, kum 2016-ah Himachal Pradesh-ah kalin Indo-Tibetan Border Police (ITBP) te bulah a hmang leh bawk. Nikum khan Uttarakhand-a India-China ramri bula Indian Army leh ITBP te bulah a hmang a ni.