Maharashtra : BJP leh Shiv Sena thuneihna insem danah la inrem lo

Maharashtra assembly inthlan neih zawh taka hnehna changtu, BJP leh Shiv Sena thawkdun chuan sorkar thara thuneihna insem dan turah inremna an la siam thei lo. Nimin khan party pahnihte hian a hran ve vein Governor an hmu. 

Ṭangrual sorkar thar siam turah Shiv Sena hian chanvo ṭha zawk pek an phut a,50:50 a chanvo insem an phut a ni. Shiv Sena palaite hian nimin zing khan Governor Bhagat Singh Koshyari chu hmu a, chhun lamah BJP hruaitu leh chief minister Devendra Fadnavis-ah a hmu ve leh. 

Hetihlai hian chanvo insem dan tur chungchangah Shiv Sena hotu Uddhav Thackeray, state BJP president Chandrakant Patil, Fadnavis leh Amit Shah te chuan meeting an neih thuai rin a ni bawk.