Prime minister Modi leh Jordan lal inbia

Prime minister Narendra Modi leh Jordan lal Abdullah II chu nimin khan Riyadh, Saudi Arabia-ah an inbia. 

Ram pahnih hruaitute hi Saudi-a Future Investment Initiative (FII) hmang turin an kal a, ram pahnih thawhdunna tur kawng hrang hrang chungchangte an sawi a ni. Ministry of External Affairs thupuangtu Raveesh Kumar chuan a twitter-ah Modi leh Abudullah II-ten inbiakna an neih thu hi tarlangin, sector hrang hrang- insumdawn tawnna chungchang te, investment chungchang te, human resource development leh ram pahnih mipuite inkungkaihna chungchangte an sawi tih a tarlang.