NCP-in BJP leh Shiv Sena thlawp tum lo

National Congress Party (NCP) hotu, Praful Patel chuan Maharashtra-a BJP leh Shiv Sena ten inremna an la siam theih loh avangin sorkar thar la ding thei lo mah se, heng party pahnihte hi a khawi zawk zawk pawh thawhpui an tum lo tih a sawi. 

Maharashtra assembly inthlana hnehna changtu, BJP leh Shiv Sena thawk dun chuan sorkar thar siam tura chanvo insem dan turah inremna an la siam theih loh avangin tun thlengin sorkar a la ding thei lo. Shiv Sena hian chanvo hi 50:50 a insem a phut a, hei hi BJP lam hian an pawm thei lo. Party pahnihte hi an la inbe mek a, hetihlai hian Shiv Sena chuan an thawh dunna chu an zah hle rualin, BJP hian a nawr lui zel a nih chuan party dangte an thawhpui tura zawn mai pawh a la ngai maithei niin a sawi a ni. 

NCP hotu Patel chuan mipuite duhthlannaah, an party chu eptu lama awm tura vote an ni a,  hei vang hian sorkar siam tum zingah tel an tum loh tih a sawi. BJP leh Shiv Sena chu an harsatna chinfel thuai tura a duh thu a sawi bawk.