Grenade-a beihnaah sipai pali an hliam

Jammu and Kashmir-a Anantnag district-ah nimin khan firfiak sipaite Road Opening Party neihnaah grenade an tipuak a, sipai paliin hliam an tuar. 

Firfiakte hian nimin chawhma dar 10:15 khan Shamshipora-ah grenade hi an tipuak a ni. Sipai hliamte hi 92 Base Hospital-ah hruai  nghal an ni. January 3 khan Jammu and Kashmir police leh 34 Rashtriya Rifle-te chuan  he district-ah vek hian Lashkar-e-Taiba (LeT) firfiak pawl thawhpuitu pakhat chu man a ni. An mi man hi firfiakte tawmhimna tur hum bakah ralthuamte a thawn ṭhin nia sawi a ni.