Amit Shah-a'n Rahul Gandhi sawisel Pakistan puiah Congress a puh

Union home minister Amit Shah chuan Congress party leh an hruaitu Rahul Gandhi bakah, eptu party dangte chu Article 370 tihtawp a nih chungchanga sorkar laipui thiltih dan an sawisel vangin a bei let. 

Amit Shah chuan Jammu and Kashmir special status pekna tihtawp a nih chungchangah, party dangte chuan prime minister Narendra Modi kaihhruai central sorkar chu an thlawp tur a ni, a ti. Article 37- leh  Article 35A-te chu India rama J&K inchhunluh pumhlum theihna tur daltu a ni tiin, heng article tihbo hi J&K tana hmasawnna kawng hawngtu tur zawk a ni, tiin a sawi. 

Congress party-in Article 370 tihtawp a sawisel chungchangah Rahul Gandhi chu bei letin, hemi chungchanga Rahul Gandhi thusawite chuan Pakistan a tilawm a, India beih letna tura an thusawite Pakistan-in an hman avangin Congress chu a zak hle zawk tur a ni, a ti.