State pangain Governor thar nei
Central sorkar chuan nimin khan state hrang hrang Governor-te sawnkualna tur thupek tichhuakin state pangain Governor thar an nei dawn.
Tamil Nadu BJP chief Dr Tamilisai Soundararajan chu Telangana governor atan ruat a ni a, Telangana-in governor hran an neihna hmasa ber tur a ni. Uttarakhand chief minister hlui Bhagat Singh Koshyari chu Maharashtra governor thar tura ruat a ni bawk a, ani hian Vidyasagar Rao a thlak dawn a ni.
Kerala governor nilai P Sathasivam chu union minister hlui Arif Mohammed Khan chuan a thlak dawn bawk. Kalraj Mishra chu Himachal Pradesh aṭangin Rajasthan-ah sawn a ni a, ani hian Kalyan Singh a thlak thung. Hetihlai hian Himachal-ah hian union minister hlui Bandaru Dattatreya chu dah a ni bawk a ni.
Governor nei thar state-te
Telandana Dr Tamilisai Soundararajan
Maharashtra Bhagat Singh Koshyari
Kerala Arif Mohammed Khan
Rajasathan Kalraj Mishra
Himachal Pradesh Bandaru Dattatreya